Bharat Ek Saath Hai Lyrics Sonu Sood

Maana ki ghani raat hai
Iss raat se ladne ke liye
Poora Bharat ek saath hai

Teri koshish meri koshish rang layegi
Maut ke iss maidan mein
Zindagi jeet jayegi
Phir usi bheed ka hissa honge
Bas sirf kuchh hi dino ki baat hai

Maana ki ghani raat hai
Magar poora Bharat ek saath hai

In unchi unchi imaaraton ki
Chhoti chhoti khidkiyon mein sapne bade hain
Filhaal sambhal jaan bacha
Sadkon par tere mere rakhwale khade hain
Phir khushiyon ka mausam aayega
Pakka apna vishwas hai

Maana ki ghani raat hai
Iss raat se ladne ke liye
Poora Bharat ek saath hai
Maana ki ghani raat hai

Koyi maut se ladkar zindagi bacha raha hai
Koyi kachra uthakar bhi taali baja raha hai

Koyi khud ki parwah kiye bina
Apna farz nibhah raha hai
Insaaniyat hai sabse pehle
Na koyi dharam na jaat hai

Maana ghani kaali raat hai
Magar aaj poora Bharat ek saath hai

Jisne tera ghar sanwara
Aaj woh khud beghar hai
Chal pada hai sadak naapne
Chehre pe shikhan man mein dar hai

Aao khol dein apne ghar ke darwaze
Kahein kuchh din bas yehi tera ghar hai

Maana ki kaali ghani raat hai
Magar poora Bharat ek saath hai